• Hits: 58

LNLVIP e keteka letsatsi la basali

2.Mookameli oa LNLVIP Mofumahali  Mabataung KhetsiMASERU- Mokhatlo oa batho ba nang le bokoaoa ba pono (LNLVIP) o ketekile letsatsi la machaba la basali le basali ba nang le bokooa ba pono ho tsoa libakeng tse haufi le Maseru.

Ketekelo ena e etsahetse mapatlelong a setsi sa batho ba nang le bokooa ba pono Ha Tšosane Maseru ka moqebelo o fetileng.

Ketekelong ena ho ne ho phuthehile basali le banana ba nang le bokooa ba pono ka sepheo sa hore ba hlalose le ho bua ka liqholotso tseo ba kopanang le tsona e le basali.

Haa bua ketekelong ena, Molula Setulo oa mokhatlo, Mofumahali ‘Mabataung Khetsi o hlalositse hore selemo le selemo mokhatlo o keteka le basali ba nang le bokooa ba pono letsatsi leo e le ho ba le nako ea ho bua le bona ka mathata ao ba kopanang le ona, ho ba khothatsa le ho ba fa malebela a bophelo mathateng ohle ao ba nang le ona.

Haa bua le basali, Mofumahali Khetsi o hlalositse hore ho ea ka litlaleho ho tsoa mokhatlong o moholo oa batho ba nang le bokooa ba pono ke bonyane basali ba limilione tse 8.5 lefatše ka bophara ba nang le bokooa ba pono ka har’a bonyane batho ba limilione tse 19 000 ba nang le bokooa ba pono.

A hlalosa hore sena se bolela hore ke basali boholo ba nang le bokooa ba pono kaha ke bona ba leng monyetleng o moholo oa tlhekefetso e ka lebisang hore ba qetelle ba ena le mathata a pono kaha ka nako tse ngata basali ba iphumana ba otloa kapa ho hlekefetsoa maikutlong ‘me kelello e amehe ka linako tse ling.

Mofumahali Khetsi a re leha hole joalo bokooa ba pono bo ka tla ka mekhoa e fapaneng, ekaba ba hlahileng ba se ntse ba ena le bokooa ba pono kapa ba ileng ba fumana mafu a lebisang hore ba qetelle ba ena le bokooa ba pono joalo ka lefu la tsoekere leo batho ba phelang le lona ba leng monyetleng o moholo oa ho qetella ba ena le bokooa ba tsoekere.

A hlalosa hore ba khetha ho keteka letsatsi la basali e le hore bo-mme ba nang le bokooa ba hlabollohe ‘me ba ikutloe ba le bohlokoa ho sa natse hore na mathata a bophelo ao ba kopanang le ona ke a feng. A ba khothatsa hore leha ho ka ba thata bophelong ba hahamalle pele ba leke ka hohle ho fetola maphelo a bona.

“Bo-mme ba ea eiseha ka mekhoa e mengata empa le bona ba eketsa bothata boo ka ho hlokelana tšepo le ho buoana hampe,” le Mofumahali Khetsi eo.

Hona ketekelong eo bo-mme ba ile ba fumana thuto ea lentsoe le tlhabollo hotsoa ho mofumahali ‘Masheke Ntlhakana ea ileng a ba hlabolla ka mangolo ho tsoa bebeleng moo a ileng a bala mangolo a bontšang bohlokoa ba motho oa mme le hore motho e mong le e mong o bopelletsoe le bokooa ba hae ka tsela e ikhethileng.

A re basali ba se itheke moroalo ba etse lintho tseo ba ka iphelisang ka tsona e le hore ba se fetohe mekopa-kopa hoo ba ka qetellang ba se ba hoboseha.

Mofumahali Ntlhakana a re leha ho le thata bophelong basali ba ithute ka liphoso tse ileng tsa etsahala khale kaha ba bang ba ile ba fumana bokooa ka lebaka la ho hlekefetsoa ke balekane ba bona, are taba eo e se etse hore ba qetelle ba se ba sa ikokobetse ho ba lekane ba bona kapa ho batho ba bang ba lelapa.

Ho feta mona basali ba nang le bokooa ba bile ba fumana thupelo ho tsoa mokhatlong oa thero ea malapa (LPPA), ka e mong oa baoki moo e leng, Monghali Moshoeshoe Nchapi ea ileng a lemosa basali ka bohlokoa ba ho hlahlobela mafu a kang mofetše ekasita le tšoaetso ea HIV/Aids eo a hlalositseng ha e atile haholo bathong ba batšehali ‘me ka hona ho leng bohlokoa hore basali ba tsebe maemo a bona.

A boela a bua le ho hlakisa tse ling tsa lintlha tse amanang le ho itlhokomela le ho ipaballa hore ba se hlekefetsoe ke balekane ka ho etsa bana ka tsela e sa reroang kaha a bile a ba hlokomelisa hore moraong ona mafu ase ale mangata haholo a lebaneng le basali le banna aka bakoang ke ho etsa bana ka tsela esa reroang hantle.

Featured News

NEWS

Of our politics and the Huntington Theory

Of our politics and the Huntin…

21 March, 2017

Moeketsi Seisa John Political developments in Lesotho reflect the extent to which many pe...

NEWS

Just Keep Moving - By Ted Msipa

Just Keep Moving - By Ted Msip…

21 March, 2017

The easiest thing to accomplish in life is failure. All you need to do is give in and give...

NEWS

Migrant workers’ rights on spotlight

Migrant workers’ rights on spo…

21 March, 2017

Maseru-The Ministry of Law, in partnership with the Ministry of Home affairs along with re...

NEWS

Grandmothers’ conference officiated

Grandmothers’ conference offic…

21 March, 2017

Leribe-Deputy Private Secretary of Social Development, Khoboso Molungoa on behalf of the m...