• Hits: 124

Khutlo-se-Metsi K02 e fumana moaho

THABA-TSEKA- Lekhotla la Puso ea Libaka la Khutlo-se-Metsi K02 le fumane moaho o mocha ho tsoa mokhatlong oa Geremane.

Puisanong le Lentsoe la Sechaba, mongoli oa Lekhotla lena, monghali Bothata Potiane o hlalositse ha moaho ona o tlisitse liphetoho tse ngata haholo ho bona. “Re ne re sokola haholo pele re fumana moaho hobane re ne re sebeletsa leqhofeng le neng le sena motlakase le metsi.

“Ebile le ne le kopane le monyako oa ntlo ea thitelo (bara) joale ho ne ho eba moferefere haholo,” arialo

Monghali Potiane.

Monghali Potiane o bontšitse hape hore phano ea litšebeletso le eona e se e le betere kaha ba se ba khona ho ba le Makala akang la Ntšetso-Pele ea Sechaba eleng lona le thusang bana ba tlokotsing le ba likhutsana.

“Ebile re na le mekhatlo e kang oa ‘Caritas’ le ona oa fumaneha moahong mono le oa ‘Ngoaneo ke oa mang?’ eleng o sebetsanang le taba tsa bana ho tloha ka ba qetang ho hlaha ho fihlela ka ba lilemo li hlano.

Monghali Potiane o itse hape ba se ba fumana monyetla oa ho mema Makala a ‘muso ka ho fapana ho tlisa phano ea litšebeletso haufi le sechaba. “Empa ntlo ena leha e le kholo tjena, nakong eo re bitsitseng makala ano ho ba le tšubuhlellano e ngata haholo ‘me bothata bo bong ke hore ntlo eo eea bata kaha fatše ha ho so aloe,” ho rialo eena Monghali Potiane.

O hlalositse hape hore leha e le mona ba se bana le moaho ho ntse ho e na le lintlafatso tse ngata tse hlokahalang metseng ea bona joalo ka litsela. “Lifato-fato li teng empa mokhoa oo tsela ena e seng e senyehile ka ona e hloka ho lokisoa ka mechini e meholo le ho kenyoa sekontiri.

“Hape le Lekhotla lena la Puso ea Libaka le batla le le moo ho petetsaneng ka hona ho fihleleha ha bohloko ke sechaba ha se tlile litšebeletsong,” a rialo Monghali Potiane.

Leha hole joalo tabeng ea temo teng, Monghali Potiane o bontšitse ha sechaba sa ha habo se tla ba le lijo tse ‘maloa ka lebaka la lipula tse nang haholo selemong sena. “Empa ho ntse ho na le masimo a mang a ileng a senyeha kaha a ile a hoholoa ke lipula,” ke monghali Potiane.

Featured News

NEWS

US Embassy awards over M 220k in grants

US Embassy awards over M 220k …

25 April, 2017

The U.S. Embassy in Maseru through the BAM Group Foundation and with the help of the U.S...

NEWS

THE SELF CONCEPT:   Impact of belief and perception on self-esteem (Part 2)

THE SELF CONCEPT: Impact of …

25 April, 2017

Weisinger (PhD) reveals that confidence gives one an edge because, those that wield it b...

NEWS

Yesterday is still important- By. Ted Msipa

Yesterday is still important- …

25 April, 2017

People are an interesting lot. They always come up with something juicy and controversia...

NEWS

Voter apathy worries NGOs

Voter apathy worries NGOs

25 April, 2017

MASERU- Non-governmental organizations (NGOs) around the country joined hands with other...