• Hits: 143

Mokhatlo oa tapole Lesotho o rupela litho

2. Litho tsa mokhatlo oa tapoleMaseru-Mokhatlo oa tapole Lesotho, (Potato Lesotho Association) o ile oa tšoarela lihoai tsa litapole thupelo ea ho kotula litapole ntlo-kholo ea mokhatlo Ha Hoohlo Maseru ka Laboraro bekeng e fetileng.

Thupelong ena ke moo lihoai li neng li rupelloa ho kotula litapole, ho li hloekisa, ho hlopha le ho phuthela litapole ha li se li ntšitsoe mobung.

Puisanong le Lentsoe la Sechaba, Phala ea mokhatlo ona, Monghali Sekila Molapo, nako ea kotulo ea litapole e se e atametse ‘me e le mokhatlo ba bone ho le molemo ho rupela lihoai tsa bona e le hore ba tle ba fihlele kotulo e phethahetseng.

Monghali Molapo o boletse hore ka lebaka la maemo a leholimo a naha ena, tapole e ka atleha haholo ‘me sena se pakoa ke tsela eo ba chaileng ka eona selemong sena. O tsoetse pele ho bontša hore ke selemo sa bobeli ba lema litapole leha selemong se fetileng ba sa ka ba ba le kotulo e khotsofatsang ka lebaka la komello.

Monghali Molapo o bontšitse ha litapole tseo ba li hlahisang e le tsa boemo bo holimo-limo kaha mokhatlo o sebelisa lipeo tsa boleng, tse ntlafalitsoeng, tseo ba li latang ho La Afrika Boroa (West Grow Potato Seeds). A boela a supa hore setho ka seng se lebeletsoe ho jala bonyane ekere e le ‘ngoe.

Mokhatlo ona oa tapole o se o pharaletse le litereke tsa naha ntle le Qacha’s Nek le Mohale’s Hoek. Monghali Molapo o itse ka mora kotulo ea bona, mokhatlo o tla tšoara lipontšuoa tseo ba tla pheha litapole tsa bona ho latsoisa ba tla ea moo.

O boletse hore leha sepheo-pheo e tla be e le ho pepesa tapole, seo ha se thibele lihoai tse ling ho tla hlahisa lihlahisoa tsa bona. O itse mosebetsi ona o tla tšoareloa sekolong sa likoporasi Maseru ka la 29 ho isa ho la 30 khoeling e holimo selemong sona sena.

Haa tsoela pele monghali Molapo o itse Lekala la Mesebetsi e Menyane le Limmaraka le ba tšehelitse haholo ‘me ba na le tšepo ea hore ho se hokae ba tla be ba hoebisana le bo-ralikhoebo tse kholo ka hara naha le kantle ho naha.

Ho sa le joalo, letsatsi la laboraro beke e fetileng le ne le reretsoe hape ho nyolla mokotla oa mokhatlo. Tulong ena ea bobeli, monghali Molapo o itse ba fihletse katleho e kholo ‘me chelete eo ba e bokelelitseng e tla sebelisoa ho thusa lihoai tsa mokhatlo ka mathata a lichelete nakong ea temo le bophelong ba motho ka mong.     

Featured News

NEWS

US Embassy awards over M 220k in grants

US Embassy awards over M 220k …

25 April, 2017

The U.S. Embassy in Maseru through the BAM Group Foundation and with the help of the U.S...

NEWS

THE SELF CONCEPT:   Impact of belief and perception on self-esteem (Part 2)

THE SELF CONCEPT: Impact of …

25 April, 2017

Weisinger (PhD) reveals that confidence gives one an edge because, those that wield it b...

NEWS

Yesterday is still important- By. Ted Msipa

Yesterday is still important- …

25 April, 2017

People are an interesting lot. They always come up with something juicy and controversia...

NEWS

Voter apathy worries NGOs

Voter apathy worries NGOs

25 April, 2017

MASERU- Non-governmental organizations (NGOs) around the country joined hands with other...